Dayanand Yajurveda Bhashya Bhaskar Sanskrit

Yajurveda Adhyay 10 / Mantra 24

34 Mantra
10/24
Chanting
Devata- सूर्यो देवता Rishi- वामदेव ऋषिः Chhand- भूरिक आर्षी जगती, Swara- निषादः
Mantra with Swara
ह॒ꣳसः शु॑चि॒षद् वसु॑रन्तरिक्ष॒सद्धोता॑ वेदि॒षदति॑थिर्दुरोण॒सत्। नृ॒षद्व॑र॒सदृ॑त॒सद् व्यो॑म॒सद॒ब्जा गो॒जाऽऋ॑त॒जाऽअ॑द्रि॒जाऽऋ॒तं बृ॒हत्॥२४॥

ह॒ꣳसः। शु॒चि॒षत्। शु॒चि॒सदिति॑ शु॒चि॒ऽसत्। वसुः॑। अ॒न्त॒रि॒क्ष॒सदित्य॑न्तरिक्ष॒ऽसत्। होता॑। वे॒दि॒षत्। वे॒दि॒सदिति॑ वे॒दि॒ऽसत्। अति॑थिः। दु॒रो॒ण॒सदिति॑ दुरोण॒ऽसत्। नृ॒षत्। नृ॒सदिति॑ नृ॒ऽसत्। व॒र॒सदिति॑ वर॒ऽसत्। ऋ॒त॒सदित्यृ॑त॒ऽसत्। व्यो॒म॒सदिति॑ व्योम॒ऽसत्। अ॒ब्जा इत्य॒प्ऽजाः। गो॒जा इति॑ गो॒ऽजाः। ऋ॒त॒जा इत्यृ॑त॒ऽजाः। अ॒द्रि॒जा इत्य॑द्रि॒ऽजाः। ऋ॒तम्। बृ॒हत् ॥२४॥

Mantra without Swara
हँसः शुचिषद्वसुरन्तरिक्षसद्धोता वेदिषदतिथिर्दुरोणसत् । नृषद्वरसदृतसद्व्योमसदब्जा गोजाऽऋतजाऽअद्रिजा ऋतम्बृहत् ॥

हꣳसः। शुचिषत्। शुचिसदिति शुचिऽसत्। वसुः। अन्तरिक्षसदित्यन्तरिक्षऽसत्। होता। वेदिषत्। वेदिसदिति वेदिऽसत्। अतिथिः। दुरोणसदिति दुरोणऽसत्। नृषत्। नृसदिति नृऽसत्। वरसदिति वरऽसत्। ऋतसदित्यृतऽसत्। व्योमसदिति व्योमऽसत्। अब्जा इत्यप्ऽजाः। गोजा इति गोऽजाः। ऋतजा इत्यृतऽजाः। अद्रिजा इत्यद्रिऽजाः। ऋतम्। बृहत्॥२४॥

Dayanand Yajurveda Bhashya Bhaskar Sanskrit

संस्कृत
Dayanand Yajurveda Bhashya Bhaskar Sanskrit - संस्कृत
Meaning
(हंसः) यः संहन्ति सर्वान् पदार्थान् स जगदीश्वरः (शुचिषत्) यः शुचिषु=पवित्रेषु पदार्थेषु सीदति सः (वसुः) वस्ता वासयिता वा (अन्तरिक्षसद्) योऽन्तरिक्षेऽवकाशे सीदति (होता) दाता ग्रहीताऽत्ता वा (वेदिषत्) वेद्यां=पृथिव्यां सीदति (अतिथि:) अविद्यमाना तिथिर्यस्य तद्वन्मान्यः (दुरोणसत्) यो दुरोणे=गृहे सीदति सः। दुरोण इति गृहना०॥ निघं० ३। ४॥ (नृषत्) यो नृषु सीदति सः (वरसत्) यो वरेषूत्तमेषु पदार्थेषु सीदति सः (ॠतसत्) य ऋतेषु=सत्येषु प्रकृत्यादिषु सीदति सः (व्योमसत्) यो व्योमनि सीदति सः (अब्जाः) योऽपो जनयति (गोजाः) यो गाः=पृथिव्यादीन् जनयति (ऋतजाः) यः सत्यविद्यामयं वेदं जनयति (अद्रिजाः) यो मेघपर्वतवृक्षादीन् जनयति सः (ऋतम्) सत्यस्वरूपम् (बृहत्) महद् ब्रह्म॥ अयं मन्त्रः शत० ५ । ४ । ३ । २२ व्याख्यातः॥ २४ ॥
Essence
मनुष्यैः सर्वव्यापकं पवित्रकरं ब्रह्मैवोपास्यमस्ति, न खल्वेतस्योपासनेन विना किञ्चिदपि पूर्णं धर्मार्थकाममोक्षजं सुखं भवितुं शक्यम्।। १० । २४ ।।
Subject
मनुष्यैरीश्वरोपासनेन न्यायसुशिक्षे कार्य्ये इत्याह ।।
Meaning of Anvay
हे मनुष्याः! भवन्तो यः परमेश्वरो हंसः यः संहन्ति सर्वान् पदार्थान् स जगदीश्वरः शुचिषद् यः शुचिषु=पवित्रेषु पदार्थेषु सीदति सः वसुः वस्ता वासयिता वा अन्तरिक्षसद् योऽन्तरिक्षेऽवकाशे सीदति सः होता दाता ग्रहीताऽत्ता वा वेदिषत् वेद्यां=पृथिव्यां सीदति अतिथिः अविद्यमाना तिथिर्यस्य तद्वन्मान्यः दुरोणसत् यो दुरोणे=गृहे सीदति सः नृषत् यो नृषु सीदति सः वरसत् तो वरेषूत्तमेषु पदार्थेषु सीदति सः ऋतसद् य ऋतेषु=सत्येषु प्रकृत्यादिषु सीदति सः व्योमसत् यो व्योमनि सीदति सः अब्जा: योऽपो जनयति गोजाः यो गाः=पृथिव्यादीन् जनयति ऋतजाः यः सत्यविद्यामयं वेदं जनयति अद्रिजाः यो मेघ-पर्वत-वृक्षादीन् जनयति सः ऋतं सत्यस्वरूपं बृहत् महद् ब्रह्म अस्ति, तमेवोपासीरन्।। १०। २४।।
[हे मनुष्याः! भवन्तो यः परमेश्वरो हंसः शुचिषद्........ऋतं बृहदस्ति, तमेवोपासीरन्]
Meaning of Essence
शुचिषद्=पवित्रकरं ब्रह्म ।
Special
वामदेवः। सूर्य्यः=परमात्मा। भुरिगार्षी जगती। निषादः।।