Dayanand Yajurveda Bhashya Bhaskar Sanskrit

Yajurveda Adhyay 10 / Mantra 21

34 Mantra
10/21
Chanting
Devata- इन्द्रो देवता Rishi- देवावात ऋषिः Chhand- भूरिक ब्राह्मी बृहती, Swara- मध्यमः
Mantra with Swara
इन्द्र॑स्य॒ वज्रो॑ऽसि मि॒त्रावरु॑णयोस्त्वा प्रशा॒स्त्रोः प्र॒शिषा॑ युनज्मि। अव्य॑थायै त्वा स्व॒धायै॒ त्वाऽरि॑ष्टो॒ अर्जु॑नो म॒रुतां॑ प्रस॒वेन॑ ज॒यापा॑म॒ मन॑सा॒ समि॑न्द्रि॒येण॑॥२१॥

इन्द्र॑स्य। वज्रः॑। अ॒सि॒। मि॒त्रावरु॑णयोः। त्वा॒। प्र॒शा॒स्त्रो॑रिति॑ प्रऽशा॒स्त्रोः। प्र॒शिषेति॑ प्र॒ऽशिषा॑। यु॒न॒ज्मि॒। अव्य॑थाय। त्वा॒। स्व॒धायै॑। त्वा॒। अरि॒ष्टः॑। अर्जु॑नः। म॒रुता॑म्। प्र॒स॒वेनेति॑ प्रऽस॒वेन॑। ज॒य॒। आपा॑म। मन॑सा। सम्। इ॒न्द्रि॒येण॑ ॥२१॥

Mantra without Swara
इन्द्रस्य वज्रोसि मित्रावरुणयोस्त्वा प्रशास्त्रोः प्रशिषा युनज्मि । अव्यथायै त्वा स्वधायै त्वारिष्टोऽअर्जुनो मरुताम्प्रसवेन जयापाम मनसा समिन्द्रियेण ॥

इन्द्रस्य। वज्रः। असि। मित्रावरुणयोः। त्वा। प्रशास्त्रोरिति प्रऽशास्त्रोः। प्रशिषेति प्रऽशिषा। युनज्मि। अव्यथाय। त्वा। स्वधायै। त्वा। अरिष्टः। अर्जुनः। मरुताम्। प्रसवेनेति प्रऽसवेन। जय। आपाम। मनसा। सम्। इन्द्रियेण॥२१॥

Dayanand Yajurveda Bhashya Bhaskar Sanskrit

संस्कृत
Dayanand Yajurveda Bhashya Bhaskar Sanskrit - संस्कृत
Meaning
(इन्द्रस्य) परमैश्वर्य्यस्य (वज्रः) विज्ञापकः (असि) (मित्रावरुणयोः) सभासेनेशयोः (त्वा) त्वाम् (प्रशास्त्रोः) सर्वस्य प्रशासनकर्त्रोः (प्रशिषा) प्रशासनेन (युनज्मि) समादधे (अव्यथायै) अविद्यमानपीडायै क्रियायै (त्वा) (स्वधायै) स्ववस्तुधारणलक्षणायै राजनीत्यै (त्वा) (अरिष्ट:) अहिंसित: (अर्जुन:) प्रशस्तं रूपं विद्यतेऽस्य सः। अर्शआदित्वादच्। अर्जुनमिति रूपना० ॥ निघं० ३ । ७ ॥ (मरुताम्) ऋत्विजाम् (प्रसवेन) प्रेरणेन (जय) उत्कर्ष (अपाम्) आप्नुयाम (मनसा) मननशीलेन (सम्) (इन्द्रियेण) इन्द्रेण=जीवेन जुष्टेन प्रीतेन वा।। अयं मन्त्रः शत० ५ । ४ । ३ । ४-१० व्याख्यातः॥ २१ ॥
Essence
विद्ववद्भी राजा प्रजापुरुषाश्च धर्मार्थं सदा प्रशासनीयाः, यत एते पीडां राजनीतिविरुद्धं कर्म नाचरेयुः।
[स त्वं जय=दुष्टान् जित्वोत्कर्ष]
सर्वतः प्राप्तबलाः शत्रून् जयेयुः। येन कदाप्यैश्वर्य्यस्य हानिर्न स्यात् ।। १० । २१ ।।
Subject
पुनर्विद्वद्भिः किं कर्त्तव्यमित्याह।।
Meaning of Anvay
हे राजन् ! यस्त्वमरिष्ट: अहिंसितः अर्जुनः प्रशस्तं रूपं विद्यतेऽस्य सः इन्द्रस्य परमैश्वर्यस्य वज्रः विज्ञापकः असि, यं त्वा त्वाम् अव्यथायै अविद्यमानपीडायै क्रियायै प्रशास्त्रोः सर्वस्य प्रशासनकर्त्रोः मित्रावरुणयोः सभासेनेशयोः प्रशिषा प्रशासनेन अहं युनज्मि समादधे।
मरुताम् ऋत्विजां प्रसवेन प्रेरणेन स्वधायै स्ववस्तुधारणलक्षणायै राजनीत्यै यं त्वा युनज्मि समादधे, मनसा मननशीलेन इन्द्रियेण इन्द्रेण=जीवेन जुष्टेन=प्रीतेन वा यं त्वा वयं समापाम आप्नुयाम, स त्वं जय=दुष्टान् जित्वोत्कर्ष ।। १० । २१ ।।
[हे राजन्!.....त्वाम् अव्यथायै प्रशास्त्रोर्मित्रावरुणयोः प्रशिषाऽहं युनज्मि,.....स्वधायै......त्वा युनज्मि]
Special
देववातः। क्षत्रपतिः=राजा। भुरिग्ब्राह्मी बृहती। मध्यमः ॥