Mantra 1
आ॑थर्व॒णाना॑ चतुरृ॒चेभ्यः॒ स्वाहा॑ ॥
आ॒थ॒र्व॒णाना॑म्। च॒तुः॒ऽऋ॒चेभ्यः॑। स्वाहा॑ ॥२३.१॥
Mantra 2
प॑ञ्च॒र्चेभ्यः॒ स्वाहा॑ ॥
प॒ञ्च॒ऽऋ॒चेभ्यः॑। स्वाहा॑ ॥२३.२॥
Mantra 3
ष॑डृऋ॒चेभ्यः॒ स्वाहा॑ ॥
ष॒ट्ऽऋ॒चेभ्यः॑। स्वाहा॑ ॥२३.३॥
Mantra 4
स॑प्त॒र्चेभ्यः॒ स्वाहा॑ ॥
सप्तऽऋचेभ्यः। स्वाहा ॥२३.४॥
Mantra 5
अ॑ष्ट॒र्चेभ्यः॒ स्वाहा॑ ॥
अ॒ष्ट॒ऽऋ॒चेभ्यः॑। स्वाहा॑ ॥२३.५॥
Mantra 6
न॑व॒र्चेभ्यः॒ स्वाहा॑ ॥
न॒व॒ऽऋ॒चेभ्यः॑। स्वाहा॑ ॥२३.६॥
Mantra 7
द॑श॒र्चेभ्यः॒ स्वाहा॑ ॥
द॒श॒ऽऋ॒चेभ्यः॑। स्वाहा॑ ॥२३.७॥
Mantra 8
ए॑कादश॒र्चेभ्यः॒ स्वाहा॑ ॥
ए॒का॒द॒श॒ऽऋ॒चेभ्यः॑। स्वाहा॑ ॥२३.८॥
Mantra 9
द्वा॑दश॒र्चेभ्यः॒ स्वाहा॑ ॥
द्वा॒द॒श॒ऽऋ॒चेभ्यः॑। स्वाहा॑ ॥२३.९॥
Mantra 10
त्र॑योदश॒र्चेभ्यः॒ स्वाहा॑ ॥
त्र॒यो॒द॒श॒ऽऋ॒चेभ्यः॑। स्वाहा॑ ॥२३.१०॥
Mantra 11
च॑तुर्दश॒र्चेभ्यः॒ स्वाहा॑ ॥
च॒तु॒र्द॒श॒ऽऋ॒चेभ्यः॑।स्वाहा॑ ॥२३.११॥
Mantra 12
प॑ञ्चदश॒र्चेभ्यः॒ स्वाहा॑ ॥
प॒ञ्च॒द॒श॒ऽऋ॒चेभ्यः॑। स्वाहा॑ ॥२३.१२॥
Mantra 13
षो॑डश॒र्चेभ्यः॒ स्वाहा॑ ॥
षो॒ड॒श॒ऽऋ॒चेभ्यः॑। स्वाहा॑ ॥२३.१३॥
Mantra 14
स॑प्तदश॒र्चेभ्यः॒ स्वाहा॑ ॥
स॒प्त॒द॒श॒ऽऋ॒चेभ्यः॑। स्वाहा॑ ॥२३.१४॥
Mantra 15
अ॑ष्टादश॒र्चेभ्यः॒ स्वाहा॑ ॥
अ॒ष्टा॒द॒श॒ऽऋ॒चेभ्यः॑। स्वाहा॑ ॥२३.१५॥
Mantra 16
ए॑कोनविंश॒तिः स्वाहा॑ ॥
ए॒को॒ना॒विं॒श॒तिः। स्वाहा॑ ॥२३.१६॥
Mantra 17
विं॑श॒तिः स्वाहा॑ ॥
विं॒श॒तिः। स्वाहा॑ ॥२३.१७॥
Mantra 18
म॑हत्का॒ण्डाय॒ स्वाहा॑ ॥
म॒ह॒त्ऽका॒ण्डाय॑। स्वाहा॑ ॥२३.१८॥
Mantra 19
तृ॒चेभ्यः॒ स्वाहा॑ ॥
तृ॒चेभ्यः॑। स्वाहा॑ ॥२३.१९॥
Mantra 20
ए॑क॒र्चेभ्यः॒ स्वाहा॑ ॥
ए॒क॒ऽऋ॒चेभ्यः॑। स्वाहा॑ ॥२३.२०॥
Mantra 21
क्षु॒द्रेभ्यः॒ स्वाहा॑ ॥
क्षु॒द्रेभ्यः॑। स्वाहा॑ ॥२३.२१॥
Mantra 22
ए॑कानृ॒चेभ्यः॒ स्वाहा॑ ॥
ए॒क॒ऽअ॒नृ॒चेभ्यः॑। स्वाहा॑ ॥२३.२२॥
Mantra 23
रो॑हि॒तेभ्यः॒ स्वाहा॑ ॥
रो॒हि॒तेभ्यः॑। स्वाहा॑ ॥२३.२३॥
Mantra 24
सू॒र्याभ्यां॒ स्वाहा॑ ॥
सू॒र्याभ्या॑म्। स्वाहा॑ ॥२३.२४॥
Mantra 25
व्रा॒त्याभ्यां॒ स्वाहा॑ ॥
व्रा॒त्याभ्या॑म्। स्वाहा॑॥२३.२५॥
Mantra 26
प्रा॑जाप॒त्याभ्यां॒ स्वाहा॑ ॥
प्रा॒जा॒ऽप॒त्याभ्या॑म्। स्वाहा॑ ॥२३.२६॥
Mantra 27
वि॑षास॒ह्यै स्वाहा॑ ॥
वि॒ऽस॒स॒ह्यै। स्वाहा॑ ॥२३.२७॥
Mantra 28
म॑ङ्गलि॒केभ्यः॒ स्वाहा॑ ॥
म॒ङ्ग॒लि॒केभ्यः॑। स्वाहा॑ ॥२३.२८॥
Mantra 29
ब्र॒ह्मणे॒ स्वाहा॑ ॥
ब्र॒ह्मणे॑। स्वाहा॑ ॥२३.२९॥
Mantra 30
ब्रह्म॑ज्येष्ठा॒ संभृ॑ता वी॒र्याणि॒ ब्रह्माग्रे॒ ज्येष्ठं॒ दिव॒मा त॑तान। भू॒तानां॑ ब्र॒ह्मा प्र॑थ॒मोत ज॑ज्ञे॒ तेना॑र्हति॒ ब्रह्म॑णा॒ स्पर्धि॑तुं॒ कः ॥
ब्रह्म॑ऽज्येष्ठा। सम्ऽभृ॑ता। वी॒र्या᳡णि। ब्रह्म॑। अग्रे॑। ज्येष्ठ॑म्। दिव॑म्। आ। त॒ता॒न॒। भू॒ताना॑म्। ब्र॒ह्मा। प्र॒थ॒मः। उ॒त। ज॒ज्ञे॒। तेन॑। अ॒र्ह॒ति॒। ब्रह्म॒णा। स्पर्धि॑तुम्। कः ॥२३.३०॥
